Дилә Нигъмәтуллина ничек итеп кызын сәпиттә йөрергә өйрәткән - җырчыдан лайфхак

Җырчы Дилә Нигъмәтуллина кызын ничек сәпиттә йөрергә өйрәткәнен язган. 

Бу минем күңелемне борчып торган күптәнге бер проблема иде. 7 яшь тулды, һаман йөри белми. Курка иде. 4 яшьтән бирле өйрәттек, берничек тә булдыра алмый иде. Бөтен иптәш кызлары "висәпиттә", ә ул алар артыннан чабып бара. Аннары арыгач, елап өйгә әйләнеп кайта иде. Инде быел үземә максат куйдым: өйрәтәм, башка чара юк. 

Ничек килеп чыкканын сөйлим әле. Бер атна элек, чираттагы "бәлки бүген килеп чыгар" дигән өмет белән, урамга чыктык. Бераз азапланганнан соң, мин начар аңлатамдыр дигән нәтиҗәгә килеп беттем. Арып, җылашып беткәннән соң, үземне кулга алдым да... инстаграммдагы мотивация искә төште. Шуны Сәфинәгә сөйләдем. Күз алдына китер: синең пес итәсен килә, син нишлисен? - Туалетка йөгерәм, - ди. Менә хәзер дә синең башка вариант юк, я йөреп китәсен, я астынга пес итәсен, - дидем. Һәәәәәм... Булды бу!!!! Күз алдыгызгы китерәсезме!!! Иң элек ул бик каты көлде, әлбәттә. Аннары, үз-үзенә: " Мин булдырам, мин барыбер йөрергә өйрәнәм, - дия-дия берничә метрны үзе генә әмәлләде. 

Инде бүген менә зуррак сәпиткә утырды, күрше малай белән рәхәтләнеп йөрделәр. Күңелдә шундый кәнәгатлелек тә, бәхет тә хисе. "Вот харап икән, нәрсәсе бар инде аның, сәпиттә йөрергә өйрәнгән", - диярсез күбегез. Әмма безнең өчен ул зур җиңу", - дип язган Дилә Нигъмәтуллина.