Диетолог Татьяна Залетова кызыл чөгендер, кәбестә, кабак һәм кишерне иң файдалы көзге яшелчәләр дип белдерде.
«Бу яшелчәләрдә каротиноидлар, шул исәптән организмда А витаминына әйләнә торган бета-каротин бик күп. Әлеге элемент лайлалы тышчаларның саклану сәләтен саклый, моның белән иммунитетны ныгыта, шулай ук күз кабагын һәм конъюнктивны яхшырта», – диде Татьяна.
Залетова әйтүенчә, рационга кәбестәнең төрле төрләрен: ак кәбестә, төсле кәбестә, брокколи һәм брюссель кәбестәсен кертү файдалы. Аларда ашказаны-эчәклек өчен файдалы клетчатка, C витамины һәм башка кирәкле матдәләр бар.
Диетолог помидорларны ликопин чыганагы булганга ашарга киңәш итә. Бу матдә йөрәк-кан тамырлары авырулары куркынычын киметә. Помидорны җылылык белән эшкәрткәндә һәм бераз май кушканда ликопин организмда тагын да яхшырак үзләштерелә. Белгеч сүзләренчә, кызыл чөгендердә табигый нитратлар бар, алар артериаль кан басымын салмак кына төшерә.