Диетик ризык (рецепт)
Тәския Вәгыйзовадан диетада утыручылар өчен тәмле, әмма тазартмый торган ризык рецептын тәкъдим итәбез.
Кеше башына 150 грамм тавык ите яки сыер ите кирәк булачак. Итне эре итеп туракласаң бигрәк тәмле, озын итеп кисеп аз майлы табада кыздырырга, ярты стакан су өстәп 1 сәгать томалап пешерергә, аннары эре шакмаклап 5 кишер турарга, 1 суган турап салырга. Алар пешкәч кенә татлы борыч һәм помидор өстәргә, 10 кара җимеш, 1 аш кашыгы хмели-сунели тәмләткече, лавр яфрагы, тоз, кипкән яшел үләннәр һәм кабак та салырга мөмкин, чөнки бу гарнирлы ризык түгел.
“Сез мондый ризыкны көне буе ашасагыз да симермисез, мин бик яратып ашыйм. Ит аксым, шуна эремчек, пешкән йомырка белән аралаштырыгыз. Ай азагында 15 кг, хәтта 25 кг ябыккан кешеләр бар”, - дип ышандыра Тәския ханым.
