Диңгездә йоклап киткән ир-атның 3 миллион сум акчасын урлаганнар
Эшсез ир-ат элек тә 5,3 миллион сум акчасын урлаткан булган.
Мәскәүдә яшәүче эшсез 52 яшьлек ир-ат полициягә мөрәҗәгать иткән. Ул Краснодарск крае Лермонтово бистәсендә ял иткән. Шунда аның 3 миллион сум акчасын урлаулары хакында сөйләгән. Бу хакта РЕН ТВ хәбәр итә.
Россия Эчке эшләр министрлыгының Мәскәү буенча Баш идарәсе матбугат хезмәте хәбәр иткәнчә, билгесез кеше туристның диңгездә йоклап китүеннән файдаланып, аның банк картасын урлаган. Аннары берничә тапкыр картасыннан акчасын алган.
Җинаять эше кузгатылган.
Элегрәк ялган банк хезмәткәрләре Мәскәүдә яшәүче ир-атның 5,3 миллион сум акчасын урлаган булган.