Диңгез кысласы белән яшеллектән салат
Диңгез кысласы белән яшеллектән җиңел һәм тәмле салат тәкъдим итәм.
Салат өчен: диңгез кысласы (креветка), помидор (черри), авокадо, яшел һәм кызыл салат яфраклары, рукола, соя соусы, зәйтүн мае, түгәрәк кара борыч.
Кибеттән катырылган пешкән диңгез кысласын алсагыз була. Аларны кайнап торган суга салырга, тоз һәм борыч өстәргә. Бер минут пешкәч алырга, суытырга һәм чистартырга.
Черри помидорларын уртага кисәргә, авокадоны эре итеп турарга. Салат яфракларын кул белән берничә кисәккә бүлеп, руколаны бөтен килеш салырга.
Салатка зәйтүн мае һәм соя соусы салырга.
Ингредиентларны чама белән алырга.