Детокс-диеталар тоту сәламәтлек белән проблемалар китереп чыгарырга мөмкин. Бу хакта онколог Владимир Ивашков кисәтте, дип яза «Аргументы и Факты» сайты.
Табиб сүзләренчә, кеше организмы – үзен үзе чистарта ала торган камил система. Шуңа күрә детокс-диеталар зыянлы матдәләрне аның үзеннән дә яхшырак итеп чыгара алмый. Әгәр бу матдәләр табигый юл белән чыгарылмаса, кешеләр җитди авырыр иде, дигән онколог.
Шулай ук табиб, детокс-диета вакытында ач торганда, соклардан һәм чәйдән баш тартырга киңәш итә.
«Авырлык май югалту аркасында түгел, су һәм мускул массасын югалтудан китә. Детокс тәмамлангач, авырлык бик тиз кире кайта. Мондый чикләүләр куркыныч булырга мөмкин: витаминнар дефициты килеп чыга, электролит баланс бозыла, һәм ашкайнатуда проблемалар барлыкка килә», – дигән ул.