Депутат укытучыларны һәм иптәшләрен кыерсыткан балалар проблемасын хәл итәргә чакыра

Дәүләт Думасында укытучыларга ярдәм итү буенча эшче төркем булдырылачак. Бу хакта Дәүләт Думасы вице-спикеры, ЛДПР фракциясе депутаты Борис Чернышов әйтте, дип яза «Дума ТВ» сайты.

Парламентарий искәрткәнчә, 2023 ел «Педагог һәм остаз елы» дип игълан ителде.

«Бүген укытучыларга зур йөкләнеш – бюрократик йөкләнеш, тәрбия, укыту йөкләнеше туры килә. Без укытучыларга булган йөкләнешне киметә торган законнар булдырдык, әмма мәктәпләрдә дебюрократизация сакланып калды. Мәктәпләрнең 80 процентында бюрократия калды. Укытучылар белән аралашкан вакытта моның белән килешми булмый», – диде депутат.

Депутат сүзләренчә, шулай ук укытучыларга карата буллинг проблемасы да бар.

«Балалар укытучыны эштән китү дәрәҗәсенә китереп җиткерергә мөмкин. Ил буенча мондый мисаллар җитәрлек, укытучыларга ярдәм итү буенча эшче төркем булдырачакбыз. Һәм тагын бер проблема – белем бирү процессындагы кырыслык эпидемиясе. Балаларны классташлары ук мыскыл итәргә мөмкин. Бу – якын арада хәл ителергә тиешле проблемалар», – диде Борис Чернышов.