Депутат социаль челтәрдә сүгенеп җавап биргән
Хатын-кыз депутат үзен шулай дорфа тотуына үкенүен әйтә.
Ульяновск шәһәр думасы депутаты Виктория Маркелова социаль челтәрдә аралашканда сүгенү сүзләре кулланган. Бу хәлгә матбугат чаралары игътибар иткән. «Говорит Москва» радиосында әңгәмә вакытында түрә хатын аңлатма биргән. Бу турыда РИА Новости язды.
Ул социаль челтәрдә үзенең планнары турында язган. Бер ир-ат комментарийда түрәне «бар кешене дә алдый» дип гаепләгән.
«Мин аны алдаганым бармы дип сорадым. Аннары текстны сез күргәнсездер инде. Мин аның белән бер дәрәҗәгә төшемә бик үкенәм», — ди Маркелова.
РИА Новости белән әңгәмә вакытында Маркелова язылучыларыннан һәм бу диалогны күргән кешеләрдән гафу үтенүен әйткән.
«Тыелып кала алмавым өчен гафу үтенәм. Хөрмәт итмәүгә ачуым чыкты», — ди түрә. Ул үзенең депутат буларак түгел, ә кеше буларак комментарий язуын да искәртә.
Маркелова мондый контекстта хисләнү депутатка килешмәвен дә әйтә.
