Давыл Балык Бистәсендә мәктәп, клуб һәм кибет түбәләрен куптарган
Балык Бистәсе районы Урахча авылында берничә бинаның түбәләрен җил куптарган дип хәбәр итә "Татар-информ" агентлыгы, Гадәттән тыш хәлләр һәм гражданнар оборонасының Баш идарәсе матбугат үзәгенә сылтама белән.
Мәктәп, клуб, ике кибетнең түбәләре купкан. Башка биналарга зыян килмәгән. Каза күрүчеләр юк. Купкан түбәләрнең гомуми мәйданы 450 квадрат метр тәшкил итә. Комиссия килгән зыянны ачыклый.
