Табиб Фернандо Фабиани, күпчелек очракта даруларны ватмаска кирәк, дип кисәтте. Дарулар эчкәндә бу еш кабатлана торган хатаны табиб «Okdiario» басмасы белән әңгәмәдә әйтте, дип яза Lenta.ru
Фабиани билгеләп үткәнчә, җитештерүчеләр күп кенә даруларны ашказаны согыннан саклый торган, нечкә эчәклектә генә эри торган махсус матдә белән каплыйлар. Ватылганда ул бозыла, шуңа күрә актив ингредиент билгеләнгән урынга җиткәнче активлыгын югалта. Өстәвенә, бу – ашказаны белән проблемалар, мисал өчен, аның лайлалы тышчасы ярсуы белән яный.
Табиб сүзләренчә, пролонгацияле даруларны ватарга кирәкми. Әлеге препаратлар озак вакытлы һәм тотрыклы нәтиҗә тәэмин итә.
Табиб фикеренчә, даруларда сындыру өчен уем яки эз булса, аларны бүлгәләргә ярый. Ләкин бу очракта да дару кабында булган кәгазьне укырга, яки дәвалаучы табибка яки фармацевтка консультация сорап мөрәҗәгать итү яхшырак.