Дару эчмичә генә сару кайнаудан ничек котылып була?
Табиб әйтүенчә, еш ашарга кирәк, әмма порцияләр кечкенә булырга тиеш.
Табиб һәм телевидение алып баручысы Сергей Агапкин «Россия -1» телеканалында «О самом главном» тапшыруында сару кайнаудан котылуның гади ысулларын атады. Бу хакта РИА Новости яза.
Ул кеше озак вакыт горизонталь торышта булганда сару кайный, диде. Шуңа күрә йоклаганда баш бераз калкурак урында булырга тиеш.
Шулай ук кофе эчүне дә киметергә кирәк.
«Әлеге эчемлекнең ашказаны секрециясен активлаштыруы һәм ашказанын үңәчтән аерып тора торган сфинктерны йомшартуы исбатланган», — диде табиб.
Шулай ук Сергей Агапкин: «Еш ашарга кирәк, әмма порцияләр кечкенә булырга тиеш», — диде.
