Дәртле сөяркәләр фаҗигасе: Татарстанда ике табиб кунакханәдә төн чыккан, хатын-кыз үлгән

Татарстанда кунакханәдә сөяркәсе белән мәхәббәтле төн уздырган 40 яшьлек хатынның мәетен тапканнар. Хәзер «Саксызлык белән кеше үтерү» маддәсе буенча җинаять эше ачу мәсьәләсе карала.

Бу хәл 11 августка каршы төндә, Югары Ослан районындагы «Дежавю» кунакханәсендә була. Номерга Екатеринбургтан 38 яшьлек ир-ат һәм Төмән өлкәсенең клиник хастаханәсендә табиб булып эшләүче 40 яшьлек хатын-кыз урнаша. Кунакханә хезмәткәрләре сүзләренчә, алар үзләрен сөяркәләр сыман тоткан, төнне дә бик шау-шулы һәм дәртле уздырганнар.

Тик иртән хатын-кыз үле килеш табыла. Якынча мәгълүматлар буенча, аның җенес органнарында һәм бавырында эчке, тышкы кан китүләр булган. Полиция аның белән төн уздырган ирнең бу хәлгә катнашын ачыклый. Үлемнең төгәл сәбәпләрен экспертиза ачыклаячак, дип яза LIFE сайты.