Данлыклы спортчы, АКШта туган Джефф Монсон Уфага яшәргә күченә
Көрәшче профессиональ спорт карьерасын тәмамлаган, хәзерге вакытта депутат булып эшли.
Данлыклы спортчы, катнаш көрәшче Джеф Монсон спорт карьерасын тәмамлый һәм Уфага яшәргә күченә. Бу турыда «Башинформ» хәбәр итте.
«Мин травма аркасында гына профессиональ спорттан китәм. Россия — минем өем. Мин Уфада яшәячәкмен», — дип сөйләгән 49 яшьлек Монсон.
Джеф Монсон АКШта туган. 2018 елда Россия Президенты Владимир Путин Джеф Монсонга Россия гражданлыгы бирде.
Джеф Монсон Башкортстанда джиу-джитсу һәм грэпплинг мәктәбе ачарга һәм әлеге спорт төре буенча Россия җыелмасын җитәкләргә җыена, диелә бу хәбәрдә.
Хәзерге вакытта Монсон Мәскәү өлкәсендәге Красногорск шәһәр советы депутаты.
