Данлыклы модельер Пьер Карден 98 яшендә вафат булды
Ул үзенең мода йортына татар дизайнерын да чакырган булган.
Дизайнер Пьер Карден 98 яшендә вафат булды. Бу турыда AFP басмасына сылтама белән «Татар-информ» хәбәр итте.
«Француз кутюрьесы Пьер Карден вафат булды», — диелә Твиттердагы хәбәрдә.
Пьер Карден — модельер, шул исемдәге сәүдә маркасы хуҗасы. Ул Жанна Пакен, Эльза Скиапарелли һәм Кристиан Диор белән эшләгән. 1950 елда үз брендын булдырган.
2019 елда Пьер Карденның мода йортына Чаллы дизайнеры Марина Кәримованы да чакырганнар. Балалар өчен киемнәр тегүче татар модельеры биредә үзенең биш модельдән торган коллекциясен күрсәткән, диелә хәбәрдә.
Le couturier français Pierre Cardin est mort #AFP pic.twitter.com/0fUqPSRdf6
— Agence France-Presse (@afpfr) December 29, 2020
