Данлыклы "Миләшләрем" җыры яңа яңгырашта чыкты (видео)

Зөфәр Хәйретдиновның Мөдәррис Шакиров сүзләренә язган "Миләшләрем" җырын моңарчы Алсу Хисамиева гына башкара иде. Ул Алсуның визит карточкасына әйләнде, җырчы ул җырны танытты.

Күптән түгел бу җырны Лэйна исемле яшь башкаручы да тәкъдим итте. Аның башкаруында җыр бөтенләй башка төрле, заманчалаштырылган вариантта тәкъдим ителә.

Лэйна - Элвин Грейның Уфадагы концертында җырлап танылган татар җырчысы. Аңа 19 яшь.

Сезгә "Миләшләрем" хитының таныш вариантын да исегезгә төшерәбез, яңа версиясен дә тыңларга киңәш итәбез. Тыңлагач, фикерегезне язарга онытмагыз.

Миләшләрем

Өй каршындагы миләшләр,
Аңлагандай теләкне,
Чакыралар бушатырга
Сагыш тулы йөрәкне.

Миләшләрем, миләшләрем,
Сез минем сердәшләрем.
Йөрәктәге сагышлардан
Түгелә күз яшьләрем.

Авыр булган минутларда
Киләм сорап киңәшләр:
Әйтегезме, сагышларны
Ничек басыйм, миләшләр?!

Миләшләрем, миләшләрем,
Сез минем сердәшләрем.
Йөрәктәге сагышлардан
Түгелә күз яшьләрем.

Миләшләрем тибрәләләр
Иртән искән җилләрдә.
Сагышларым бетәр, бәгърем,
Кайтсаң туган җирләргә.

Миләшләрем, миләшләрем,
Сез минем сердәшләрем.
Йөрәктәге сагышлардан
Түгелә күз яшьләрем.

Комментарийлар (0)