Мәрхүм актер һәм режиссер Станислав Говорухинның хатыны янгында һәлак булган. Бу турыда «Вести» каналы хәбәр итте.
Лесное Озеро коттедж бистәсендә 25 ноябрьдә янгын була. Садовая урамында ике катлы йортка ут каба. Янгын 100 квадрат метр мәйданда була. Янгынга беренче ранг куркынычы билгеләнә.
ТАСС агентлыгы белешмәсе буенча, янгында Россиянең халык артисты Станислав Говорухин хатын Галина һәлак була.
Галина Говорухина мәетен йорт эчендә табалар. Аңа 74 яшь була. Бу турыда РЕН ТВ хәбәр итте.
Өйдә эшләүче хатын сүзләренчә, Галина Борисовна тәмәке тарткан. Янгын сәбәбе әлегә ачыкланмаган.
Станислав Говорухин 2018 елның 14 июнендә 82 яшендә үлде.