Данис Зарипов - Татарстанның ел спортчысы
«Ак Барс» капитаны «Ел спортчысы» премиясындә Татарстанның ел спортчысы исеменә лаек булган. Бу хакта клубның рәсми сайты хәбәр итә.
«Зариповка истәлекле статуэтканы Россия Федерациясенең спорт буенча министр урынбасары һәм Татарстанның Премьер-министры Ләйлә Фазлыева тапшырды. 2019 елда капитан Россия чемпионатларында 1200 уен үткәрде. Бу күрсәткеч буенча ул рекордчы», — дип искәртелә «Ак Барс» клубның сайтында.
Данис Зарипов: «Әлеге бүләкне алырга мин бик шатмын, көтмәгән идем. Миңа уңай караган һәрбер кешегә дә рәхмәт әйтәсем килә», — дип сүзен башлады. Шулай ук капитан барлык спортчыларга: яшьләргә, профессионалларга, спорт белән үзләре өчен генә шөгыльләнгәннәргә уңышлар теләп калды. Үзенә әлеге бүләк тапшырылу хезмәтенең, сәламәтлегенең һәм чыннан да дөрес юлдан баруының зур дәлиле икәнен әйтте.
«Яшермим, минем өчен сәхнәгә менү — бик дулкынландыргыч: бозга меңләгән җанатарлар каршысында чыгу ничектер җиңелрәк», — дип көлде Данис.