Данир Сабировтан үз согында пешкән яшелчә ашы рецепты
Әлеге рецепт белән популяр җырчы үзенең Инстаграм сәхифәсендә дә бүлешкән. Бу яшелчә ашы сөләйман балыгы белән пешерелгән.
Яшелчә ашы өчен: помидор, кишер, ташкабак, суган, баклажан, татлы борыч, кәбестә, балык, борыч, тоз, тәмләткеч, зәйтүн мае..
Яшелчәләрне үзегез теләгәнчә турап, казанга нинди тәртиптә салсагыз да ярый. Бары тик суган астарак, помидор өстәрәк булсын. Бераз зәйтүн мае салырга. Кәбестә яфраклары белән капларга. Аш пешеп чыккач, кәбестә яфракларын да турап салырга мөмкин.
Су салырга кирәкми, яшелчәләрнең үз суы бүленеп чыгачак.
Бәрәңге дә салырга мөмкин.
Кайнап чыккач, сүрән утта бер сәгать чамасы пешерергә.
