Данир Сабировның хатыны Миләүшә социаль челтәрдәге сәхифәсендә бавыр торты рецепты белән уртаклашкан.
Торт өчен 500 грамм сыер бавыры, 1 бәрәңге, 1 кишер, 2 суган, 3 йомырка, 1-2 аш кашыгы он, тоз, борыч, тәмләткечләр кирәк.
Ингредиентларны блендер белән вакларга яки иттарткычтан чыгарырга. Әгәр бу масса куе килеп чыкса, бераз сөт салып сыегайтырга була.
Бавыр коймаклары пешерергә.
Эчлек өчен суган, кишер, каймак, сарымсак, петрушка, помидор кирәк, ә бизәү өчен – черри помидоры, укроп.
Кишер белән суганны кыздырып алырга, аннары калган ингредиентларны салып болгатырга.
Тортны җыярга. Һәр катына эчлек җәяргә, урта бер өлешенә помидор гына куярга, бу – «бавыр тортын» сусыл итә. Тортның иң өске өлешенә каймак салырга, икегә бүленгән черри помидоры тезәргә, кырыйларын вак итеп туралган укроп белән бизәргә.