Артист Данир Сабировның хатыны, блогер Миләүшә Сабирова «подписчиклары»на шәхси тормышы булмауга, үзен төрле яклап контрольдә тотуларына зарланган.
«Белмим, сезнең ничектер, ләкин минем бернинди шәхси тормышым юк. Берәр кая китсәм: «Син кайда? Ничәдә кайтасың?» – дип, әни шалтыратырга тотына. Озак та үтми, әти шалтыратырга керешә. Анысы да ничәдә өйдә булачагымны сорый. Мин өйдә булмасам, ул безгә кереп тормый.
Әгәр дә мин балалар белән чыгып киткәнмен, һәм алар мине аз гына көткәннәр икән, озак торганым өчен шелтәли башлыйлар.
Әле генә посылка белән килгән әйберләремне алдым, әлбәттә инде, аларны киеп караганчы, 40 минут тирәсе вакыт узды… Инде кызлар озак торганым өчен ачуланалар.
Балалар, әти, әни, ирем – кыскасы, төрле яклап зарланулар. Бер миндә генәме ул шундый проблемалар?» – дип сорый Миләүшә.