Данир Сабиров хатыны Миләүшә белән төшкән фото куйган. Артист анда хатын-кыз булып киенгән һәм «бала көтә». Бу – чираттагы номер өчен образ гына, әмма аның гаиләсендә малай тууын теләүчеләр «Малаймы?», «Хатыннан булмады инде, малайны үзем табам», «Данир, малайны үзең алып кайтырга булдыңмы әллә? Бу Миләүшәне көтсәң, я картлык килеп җитәр. Мин киттем малай артыннан, дисеңме?» – дип шаярткан алар.
Бу образда Данирны әнисенә охшатканнар. «Гел әниеңә охшагансың икән, Данир! Чибәр!» – дип тә комментарий калдыручылар бар.
Шулай да Данирның виртуаль дуслары арасында бу образны кабул итә алмаучылар җитәрлек.
«Ир кешегә хатын-кыз булып киенергә кирәкми»;
«Абау, кеше куркытма, Данир»;
«Юк инде, Данир, бу образың белән килешеп булмый, дәрәҗәңне төшермә. Җенесләрен алыштырып «хыялланган» юләрләргә охшап калгансың», – дип, комментарий язучылардан артистны яклаучылар да бар.
«Супер! Мин бер карауда танымадым да әле», «Килешми дә килешми, диләр. Ник килешмәсен. Ул бит артист. Көлә-көлә, рәхәтләнеп карыйбыз бит. Гаепләргә генә тора безнең халык», «Ул бит бу образда урамда йөрми, ә сәхнәгә уйнарга чыга», – дип язган алар.
Фото: © Данир Сабировның социаль челтәрдәге битеннән алынды