Данир Сабировка Татарстанның атказанган артисты исеме бирелгән
Бу турыда Инстаграмда төрле аккаунтларда хәбәр ителә.
Татарстанның юмор остасы, пародист, җырчы Данир Сабировка Татарстанның атказанган артисты исеме бирелгән. Бу хакта Инстаграмда «ТМТВ» каналы, «Татар радиосы», «Татар эстрадасы» аккаунтларында хәбәр ителә.
«Чын йөрәгемнән иремне мактаулы исем алуы белән котлыйм. Хәзер ул — Татарстан Республикасының атказанган артисты. Тамашачылар, рәхмәт сезгә! Бу сезнең һәм безнең хезмәтебез. Данир, исемең котлы булсын! Яратам!» - дип котлаган хатыны Миләүшә.
Инстачылар да артистны мактаулы исеме белән котлый.
«Данир бу исемгә күптән лаек иде. Талантлы, күпкырлы артист. Сәхнәдә белмәгән һөнәре юк»;
«Данир Сабиров бу исемгә лаек. Яратабыз! Хөрмәт итәбез!»;
«Чын күңелдән котлыйбыз!!! Молодец Азнакай егете бит!!! Киләчәктә дә зур уңышлар сиңа», — дип комментарийлар калдырганнар алар.
Данир үзе мактаулы исем алу шатлыгы белән уртаклашмады әле.