Данир Сабиров Төмәндәге концерты аллыннан урамда тамашачысын очраткан. Ул әфәнде артисттан: «Әтиең хәзер әрләмиме машинаны алып чыгып киткән өчен», – дип сорый.
Ә эш менә нидә икән: «Кайчандыр әтинең машинасын бәрдерүем турында мәзәк сөйли идем. Аны инде бөтенесе оныткандыр, дип уйлый идем. Юк икән! Тамашачым искә төшерде», – дип аңлата артист.
Ә урамда очраган абыйга ул: «Хәзер юк инде, хәзер үземнеке бар бит, тик үзенекенә тидерми. Кайвакыт кына биреп тора инде», – дип елмая.
«Бик оста сөйләгән идең. Син бик оста егет, күз тимәсен», – дип мактап куя тамашачысы.