Данир Сабиров җыр атамаларын көйгә салган: «Сандугач керде күңелгә, уйламый да чыгарга»
![Данир Сабиров җыр атамаларын көйгә салган: «Сандугач керде күңелгә, уйламый да чыгарга»](https://intertat.tatar/resize/shd/images/uploads/news/2024/7/6/2133c9ca998366bfad9e44349a9c108e.jpg)
«Премьера: «Җырлардан җырлар». Татарның мәшһүр җырларының атамаларын тупладык та, нәрсә килеп чыкканын барлык музыкаль мәйданнарда тыңлый аласыз», – дип тәкъдим итә юмор остасы Данир Сабиров чираттагы җырын.
«Су буенда учак яна», «Син – җанымның яртысы», «Бөдрә тал», «Урсал тау», «Туган як», «Сандугач керде күңелгә» җырларындагы юлларны кертеп яңа җыр тудырган ул.
Артистка комментарийларда еш кына «җырлама, көлдер генә син» дип язсалар да, бу җырын халык охшаткан кебек.
«Шәп тә булган бу җырың», «Искиткеч матур җыр», – дип бәяләгән әлегә тыңлап өлгерүчеләр.