Татар эстрадасы юмористы Данир Сабиров әтисе белән Үзбәкстанда булган вакытта, язылучыларын үзбәк туганнары белән таныштырган иде. Шушы көннәрдә ул үзбәк туганнарыннан сәлам җиткерде һәм алар җибәргән видеоны күрсәтте.
Видеода күренгәнчә, телевизор экранында Данир җырлый, балалар белән бер ханым бии. Ә башка туганнары өстәл тирәли җыелган, кунак булып утыралар. Алар арасында Данир Сабировның әтисенә бик нык охшаганы да бар. Аны «Данирның әтисе» диючеләр, шулай ук «әтисенең энесе» дип төзәтүчеләр дә бар.
«Үзбәк туганнарыгыз бик матур бии. Экран аша сизелә: туганнарыгыз – музыкаль кешеләр! Сезнең иҗатыгызны яраталар. Сезнең белән горурланалар!»;
«Үзбәкләр – кызык халык инде ул, гаиләдә берсе дә бер җирдә дә эшләми, ләкин барысы да олигархлар кебек яши»;
«Асса, үзбәкләр баса», – дип комментарийлар калдырганнар.
«Үзбәкстанда туганнарыгыз бармыни?» – дип аптыраучыга да «Данирның әтисе үзбәк бит» дип җавап бирүчеләр дә табылган.