Татар эстрадасы артисты Данир Сабиров Төркиядә җомга намазына дип мәчеткә барган, анда төшерелгән видеоны язылучыларына да тәкъдим иткән.
«Төрек кардәшләребездә ял вакытында җомгага килгән идем. Матур гына башланды җомга вәгазе, аннан имам кереп китте сәясәткә, вәт башланды аннан бәхәс, вәт кызу халык икән, мәчеттә дип тә тормадылар. Имамны яралар дип торам. Ярар, ни булуга карамастан, гадел кешеләр булып, азагы хәерле булсын, мөбәрәк җомгалар белән», – дип язган ул.
«Андый жирдә катнашмыйча, тыңлап кына утырсаң да яхшы инде. Бәхәскә кереп китсәң, бетте баш», «Әй, шул сәясәт, алар гына сөйләп нәрсәдер үзгәрсә иде», – дип комментарий калдырганнар.