Данир Сабиров Салават Фәтхетдиновның җырын башкара: «Каен ауган кайтасы юлларыма»
Юмор остасы Данир Сабировны күпләр җырчы итеп кабул итмәсә дә, «җырлама» дип язсалар да, ул яңа җырларын чыгарып тора. Чираттагы җыры – Салават Фәтхетдинов репертуарыннан: «Каен ауган» җыры музыкаль мәйданчыкларга чыкты.
«Салават абый кебек үк җырлый алмасам да, сезнең арада минем вариантны да тыңлаучы булыр, дип уйлыйм. Киттек, каен аударабыз», – дип язган артист социаль челтәрдәге сәхифәсендә.
«Моңы юк. Җырны бозма. Син – юморист, җырчы түгел», – дип язучылар белән беррәттән: «Матур булган, Данир»; «Бик яхшы», – дип хуплаучылар да бар.