![Данир Сабиров Минзәлә якларында чын ирләрчә ял иткән](https://intertat.tatar/resize/shd/images/uploads/news/2024/1/17/4a5b561a7ac29405c2c308ef80c71bbc.jpg)
Юмор остасы, буранлы көндә 300 чакрым узып, Минзәләгә барган. Ул үзеннән күпкә олырак дуслары Камил һәм Ринат абый белән очрашкан. Алар инде 10 ел дус икән.
Данир Сабиров беренче тапкыр дуслары белән балыкка барган, боз тишкән һәм балык тоткан. Боз тишәргә, балыкны кармактан ничек алырга икәнлеген артист интернеттан өйрәнгән булган.
Мондый һава торышында балык тотарга да өметләнмәгән Данир Сабировның кармагы тик тормаган. Күпчелеге чуртан эләккән.
Артист әле кар чанасында (снегоход) да беренче тапкыр йөрүен язган. Дуслар балыктан кайткач, балыкны чистартып, турап, күп итеп суган салып пешергәннәр.
«Кичә балыкны ирләрчә кыздырдык. Бүген Миләүшә апа матурлап, уылдыкларын аерым, балыгын аерым кыздырган, өстәлгә матурлап куйган. Миләүшә апа, рәхмәт!» – ди артист.