Данир Сабиров мәктәптә укытучылардан ишеткән иң кызык сүзләрне язган: "Чәйнәп каптырганны да йоталмыйсыз бит сез"
Танылган юмор остасы Данир Сабиров Инстаграм битендә мәктәп елларын искә алып, укытучылар еш әйткән фразаларны язган.
"Башыңны онытмадыңмы?", "Берәр кызык әйбер әйтем мени?", "Әйдә, безгә дә сөйлә, бергәләп көләрбез", "Икеле куймыйм, нокта гына куеп торам", "Кул күтәрмисез икән, журналны ачабыз да, список буенча китәбез".
Бу - афоризмнарның кечкенә өлеше генә. Сезнең укытучыларыгыз нәрсә әйтә иде? Языгыз, бергәләп көлик", - дигән Данир Сабиров.
"Сөйләп бетергәч "әйеме, такта" ди иде бер укытучы, без тынламагач. Әле ул стена белән дә сөйләшә иде", "Күзле бүкәннәр", "бетле", "онга баткан тараканнар", "Химия укутыучысына дөрес җавап әйтсәң, кулын кукрәгенә куеп әйтә иде: "Йөрәгемә ялан тәпәй баскан кебек шул тиклем рәхәәт", "Күз күрми, колак ишетми, ә тел дилбегә буе", "ә хәзер исемлекнең азагыннан башлыйбыз", "чәйнәп каптырганны да йоталмыйсыз бит сез", "базда үстең мәллә?" - дип язган халык.