Данир Сабиров Илнат Фәрхуллин турында: «Озын булгач, ыштанның төбе астарак булса да ярый»
Бу көннәрдә Казанда Данир Сабировның концертлары уза. Концертына сәхнәдәш дуслары күчтәнәчләр белән килә, юмор остасына теләкләрен, уй-фикерләрен дә әйтеп төшәләр.
Артист социаль челтәрдәге сәхифәсенә җырчы Илнат Фәрхуллин белән видео куйган. Анда Илнат бүләген тапшыра да, тиз генә төшеп китмәкче була.
«Сүз әйтмисеңмени?» – дип аны Данир туктата.
«Миңа болай да кул чабалар хәзер», – ди дә Илнат, сәхнәдән төшәргә юнәлә.Тамашачы аны кул чабып озата. Данир инде сүзсез кала торган кеше түгел.
«Озын булгач, ыштанның төбе астарак булса да ярый. Гомер буе озын буйлы кешеләргә кызыктым», – ди ул, халыкның игътибарын Илнатның модный чалбарына юнәлтеп.
