Данир Сабиров Илнар Мирановны култык астына чихуахуа этен кыстырып йөрүче дип уйлаган
Пародист яшь җырчы белән видео куйган.
Данир Сабиров үз сәхифәсендә Илнар Миранов белән видео куйган һәм аның турындагы уйларын язган.
«Илнар Мирановның кыяфәтенә карасаң, аны култык астына чихуахуа этен кыстырып йөри торган егет дип уйларга була. Минем өчен ачыш булды: баксаң, ул авылда маллар караган, абзарның нәрсә икәнен белеп үскән егет икән.
Гадәти булмаган кыяфәт, ул тавыш! Афәрин!» — дип язган юмор остасы.
Данир Сабиров Илнарны «Татарстанның атказанган артисты» мактаулы исеме алуы белән дә котлады.
Инстачылар яшь җырчының талантлы һәм мактаулы исемгә лаеклы булуын язган.
