Данир Сабиров хатынына: «Сагынуың сүрелә күрмәсен»
Юмор остасы Ханты-Манси автономияле округына гастрольләргә киткән иде.
Данир Сабиров тун кигән видео куйган. Видеода дустына аю ауларга киттек, ди. Шул арада тунын да мактап ала: «җылы һәм рәхәт».
Юмор остасы Ханты-Манси автономияле округына гастрольләргә киткән иде. Хәләл җефете Миләүшә сагынган да инде. Бу турыда комментарий калдырган.
«Өч көннән кайтам, сагынуың сүрелмәсен», — дип җавап язган Данир.
Инстачыларның бер өлеше видеодан гаеп эзләгән, икенче өлеше «кеше көлдерә белә, кәефне күтәрә» дип җавап биргән.
«Бераз гына иркенрәк тотыгыз үзегезне, алайса хантларга охшамыйсыз», «Бу бит хантларның киеме», «Аягың ката бит, унты ки», «Пингвинар», «Һава температурасы -45 градус булганда кияләр бу киемне», «Чын салкынны тою өчен Ханты-Мансига гыйнвар-февральдә барырга кирәк», «Үзегезне аю белән бутамасыннар», «Аю сездән көлеп үләчәк», — дип комментарийлар калдырган Данирның виртуаль дуслары.