Данир Сабиров елап шешенеп беткән хатынын видеога төшергән
«Бәлки Әлдермештән Әлмәндәр»не карыйдыр», дип шаярта дуслары.
Данир Сабиров хатыны Миләүшәнең урын өстендә ятып, елый-елый кино караганыны видеога төшергән. Бу кадрларны ул инстаграмдагы сәхифәсенә куйды.
Данирның хатыны елап шешенеп беткән инде. «Сез дә шулай елап кино карыйсызмы ул? Үтерә бу төрек сериаллары. Ярар, бәхетле булсыннар инде. Алайса Миләүшә ханым борчыла», — дип сөйләнә ире.
Данир сөйләнә, Миләүшә исә мышык-мышык елавын дәвам итә.
Инстачылар шаярта. «Бәлки Әлдермештән Әлмәндәрне карыйдыр», — диләр.
Елап-елап кино караучылар да шактый икән, алар «мин дә елыйм», — дип язалар.