Данир Сабировның тормыш иптәше, блогер Миләүшә Сабирова сәхнәгә чыгачак. Алар Данир белән бергәләп дуэт әзерли башлаган. Бу хакта Данир социаль челтәрдә үзенең сәхифәсендә хәбәр итте.
«Быелгы концерт сезонының төп яңалыгы – генераль директорыбыз да җырлый башлый! Бергә яшәвебезгә 18 ел тулуга багышлап, Фирзәр абый Мортазин безгә искиткеч җыр бүләк итте. Бик тә ихлас, көтелмәгән һәм матур дуэт булып килеп чыкты», – дип сөйләгән ул бу хакта, хатыны белән уртак җырларының бер куплетын куеп.
Миләүшә Сабирова – Данир Сабиров төркеменең концерт директоры һәм администраторы. Аның моңа кадәр сәхнәгә Данир концертларындагы төрле миниатюраларда уйнап кына чыкканы бар иде.