Данир Сабиров Башкортстан якларында гастрольдә йөри. Ул концертында Бүздәк районында яшәүче дусты, блогер Айдар Кәлимуллинга туган көне белән котлап, арба бүләк иткән.
Социаль челтәрләрдә таралган видеода күренгәнчә, сәхнәгә хуҗалыкта кулланыла торган арба алып чыгалар. Айдар сәхнәгә менеп бүләген алып төшә.
«Бәрелмәгән, буялмаган, бер чакрым да узмаган. Сиңа бик кирәкле әйбер инде бу. Минем өйдә эт белән мәче генә бар, аларны да карап өлгерергә кирәк. Ә синең хуҗалык зур», – ди артист.
Айдар Кәлимуллин авыл тормышын яктыртучы блогер. Аның видеоларын кайчандыр авылдан чыгып китеп, сагынып яшәүчеләр дә яратып карый.
