Дәваланырга акчасы булмаган Россия кешесе Бали утравында үлгән

Волгоград шәһәрендә яшәүче Наталья Винтер исемле 35 яшьлек хатын Бали утравында вафат булган. Ул шикәр авыруы белән авырган. Ләкин аның медицина страховкасы һәм дәвалану өчен акчасы булмаган. Бу турыда Life сайты хәбәр итте.

Наталья соңгы вакытта Бали утравында яши. Ул интернет аша бизәнү әйберләре сату белән шөгыльләнә. Берничә көн элек Натальяның диабет өянәге кузгала. Аны хастаханәгә алып китәләр. Наталья янында инсулин салынган шприц була.

Соңрак ачыкланганча, Натальяда диабетик кома була. Индонезия госпиталендә дәвалану бик кыйммәткә төшә. Авыру хатынга туганнары ярдәм итә алмый. Россиядә Натальяның карт әбисе, әтисе бар. Әтисе акчасы булмавын әйтә.

Натальяның дус кызы Алина Далаева социаль челтәрләр аша акча җыя башлый. Алина да Балида яши. Бу турыда "Комсомольская правда" язды.

Шуннан соң табиблар тиешле реанимация чараларын уздыра. Натальяны үпкәләрен ясалма җилләтә торган аппаратка тоташтыралар. Ләкин ул аңына килмичә вафат була.

Дуслары Натальяның мәетен яндырырга кара кабул иткән. Аның көлен Бали утравында таратачаклар.