Дүртөйледә хуҗабикә яна торган йорттан чыккан һәм табиблар каршында үлгән
Коткаручылар килгәндә, хуҗа хатын урамда була.
Башкортстанның Дүртөйле шәһәрендә 11 февраль кичендә шәхси йортта янгын чыга. Урынга коткаручылар килә. Бу вакытта 20 квадрат метр мәйданда ачык янгын була. Янгын сүндерүчеләрне куркуга калган хатын-кыз каршылый, Бу турыда «Башинформ» хәбәр итте.
Россия Гадәттән тыш хәлләр министрлыгының Башкортстан буенча идарәсенең матбугат хезмәте хәбәр иткәнчә, 73 яшьлек хуҗабикә ут капкан йорттан үзе чыга алган.
«Ашыгыч ярдәм чакыргач, аның хәле китте. Кызганычка каршы, урынга килгән ашыгыч ярдәм табиблары аның үлемен раслады», диелә коткаручылар хәбәрендә.