Дөньяның кайсы иле Яңа елны беренче булып каршы ала?

Безнең вакыт белән 13.00 сәгать булганда, анда 1 гыйнвар башланды.

Кирибати 33 утрау һәм утраучыктан тора. Ул утраулар бик зур мәйданда - 3,5 млн квадрат километрда урнашкан. Аларның егермесендә генә кеше яши. Шуңа күрә бу дәүләттә Яңа елны өч тапкыр каршыларга мөмкин. 

Кирибатида нибары 103000 кеше яши. Халык инглиз һәм җирле кирибати телендә сөйләшә.

Кирибати дәүләтеннән берничә километр читтәрәк сәгать поясы уза. Анда әле 30 декабрь. 

Безнең илдә Яңа елны беренче булып Камчатка һәм Чукоткада каршы алалар. Анда 15.00 сәгатьтә инде Яңа ел курантлары суга.

2019 елны соңгы булып каршылаучылар - моряклар. Алар 12 нче көнбатыш сәгать поясында (Кирибати дәүләтенең көнбатыш өлешендә) йөзә. Алар диңгез юлларын контрольдә тоту максатыннан навигация алып бара.