Дөньякүләм танылган җырчы вафат
Дөньякүләм танылган испан опера җырчысы Монсеррат Кабалье вафат. Бу хакта “El Pais” газетасына сылтама белән “РИА-Новости” мәгълүмат агентлыгы хәбәр итә.
Монсеррат Кабалье бүген төнлә Барселонаның Сан-Пау сырхауханәсендә җан биргән. Табиблар сүзләренчә, опера җырчысының сидек куыгында проблемалар булган һәм ул сентябрь ае уртасыннан дәвалану курсын үткән. “El Pais” мәгълүматларына караганда, Монсеррат Кабальены соңгы юлга 8 октябрь көнне озатачаклар.