Дөньяда иң зиннәтле яхта Сочига килгән - хуҗасының исеме билгеле
Көймәдә бассейн, вертолет мәйданчыгы, спорт залы, зиннәтле аш бүлмәсе, супер-люкс каюталары бар.
Дөньядагы зиннәтле көймә - миллиардер Алишер Усманов яхтасы Сочидагы "Имеретинка" портында тукталган. Бу турыда РЕН ТВ каналы хәбәр итте.
Олигарх Сочидагы "Новая волна" җыр бәйгесенә килгән, диелгән әлеге хәбәрдә.
Миллиардер көймәсенең бәясе билгеле түгел. Яхтада бассейн, вертолет төшәр өчен урын, спорт залы, зиннәтле аш бүлмәсе, супер-люкс каюталары бар.
