Дөньяда иң бәхетле урын кайда?
Инстаграмда чыккан фотолар буенча дөньяда иң бәхетле урынны ачыклаганнар.
Инстаграм социаль челтәре хезмәткәрләре «дөньяда иң бәхетле урын»ны атады. Бу турыда РИА Новости агентлыгы хәбәр итте.
Инстаграм хезмәткәрләре фикеренчә, Токио шәһәрендәге Диснейленд 2018 елда «дөньяда иң бәхетле урын» булган.
Социаль челтәргә куйган фотография геолокациясендә позитив эмодзи булган постларны тикшергәннән соң, алар шундый нәтиҗә ясаган. Токио паркына килүчеләр фотолары янында сөенечле смайликларны еш куллана икән.
Шулай ук 2018 ел йомгаклары буенча, Инстаграмда иң популяр фильтр да ачыкланган. Бу — күзләрендә йөрәк сурәте булган эмодзи.
