Дәүләт эшлеклесе белән биегән кичәне Айгөл Бариева "кадерле мизгелләр" дип атады
Татарстан Дәүләт Советы Рәисе белән биеп төшкән клипны Айгөлгә видеоархивтан табып биргәннәр.
Җырчы Айгөл Бариева Татарстан Дәүләт Советы Рәисе Фәрит Мөхәммәтшин белән бергә, кар бөртекләренә уралып биюен инстаграмына урнаштырган.
Казан циркында узган Яңа 2012 нче ел концертыннан өзекне Айгөлгә архивтан табып биргәннәр. Ул ТНВ каналында чыккан булган.
Фәрит Мөхәммәтшин белән Айгөл Бариева классикага әверелгән "Әле дә син әле дөньяда" җырын башкара. (Җырның сүзләрен Ш.Биккол, көен Б.Абдуллин язган.)
Тамашачылар арасында Илһам Шакиров та бар.
Видеоны караган инстачылар "матур дуэт булган" дип соклана. Ә Айгөл Бариева исә үз тормышындагы әлеге тарихи вакыйганы "бик истәлекле һәм кадерле мизгелләр" дип бәяли.
Айгөл үзе бу видеоны 2012 елда youtube каналында да куйган булган.