Дәүләт Думасында ничә депутат коронавирус белән авырган?
Депутатлар корпусының 30 проценты ковид белән авырган.
Дәүләт Думасы спикеры Вячеслав Володин пленар утырышта хәбәр иткәнчә, бүгенге көндә парламентның 15 депутатына коронавирус диагнозы куелган. Барлыгы 144 депутат чирләгән. Бу хакта РИА Новости яза.
«Бүгенге көндә бездә 15 депутат коронавирус белән авырый, ә антитәнчекләре булган һәм авырган депутатлар саны — 144. Депутатлар корпусының 30 проценты ковид белән авырды», — диде Володин.
Ул билгеләп үткәнчә, хәзер, узган айлар белән чагыштырганда, авыручы депутатлар саны аз.