Дәүләт Думасы ашханәсендә депутатларны ничә сумга ашаталар? (буфеттан видео)
Депутат Сардана Авксентьева ашханәдә видео төшергән.
«Яңа кешеләр» партиясеннән узган депутат Сардана Авксентьева Россия Дәүләт Думасы ашханәсендә видео төшереп таратты. Бу турыда РИА Новости язды.
Ул инстаграмдагы сәхифәсенә куйган видеода пленар утырышлар залы янындагы буфет витринасы сурәтләнгән. Анда пешкән сосиска 72 сум, бәрәңгеле азу 248 сум, эремчек коймагы 88 сум икәне күренә. Судак балыгын 410 сумга саталар.
Авксентьева язганча, Думада тагын бер буфет бар икән, тик ул әлегә анда барып җитмәгән.