Дөге һәм җимешләр белән тутырылган кабак
Көз көне кабак күп була. Әлеге рецепт белән әзерләнгән ризык файдалы һәм тәмле була.
Кирәкле ингредиентлар: 1 зур булмаган кабак, 3 аш кашыгы дөге, 5 кара җимеш, бер уч йөзем, 1 чәй кашыгы бал, 1 аш кашыгы ак май, тоз.
Кабакның эчен алып аннан капкачлы савыт ясыйбыз. Эчен угычтан чыгарабыз. Җимешләрне юабыз. Дөгене әзерлибез һәм бераз гына бүрттереп алабыз.
Бөтен ингредиентларны бутыйбыз, бераз гына бал салабыз. Барысын да кабактан ясалган савытка тутырабыз. Өстенә ак май салабыз һм капкачны ябабыз. Алдан 180 градуска кадәр җылытылган мичтә 45 минут пешерәбез.
