Cызраньда кар белән бергә күктән тере бөҗәкләр яуган — видео

Сызрань районындагы Балашейка бистәсендә кар белән бергә тере бөҗәкләр дә яуган. Бу хәлне видеога төшереп алганнар. КТВ-Луч каналы әлеге кадрларны күрсәтте.

12 мартта меңнәрчә бөҗәк кар белән бергә күктән җиргә коелган. Ап-ак кар өстенә кара төстәге вак җанварлар сибелгән.

«Балашейкада бүген кар яуды. Кар белән бергә шушы бөҗәкләр дә яуды. Хәрби шәһәрчек районындагы урамнар, хәрби базадагы зур территория бөҗәкләр белән тулды. Бу бөҗәкләрнең төрен билгели алмадык, танымадык», — дип сөйләгән биредә яшәүчеләр КТВ-Луч каналы хәбәрчесенә.