Сыр сатып алучыларга киңәшләрне Чаллыда сыр ясаучы Лилия Кашапова chelny-izvest.ru сайтына сөйләгән.
«Сырның составын карагыз. Анда сөт, бактериаль культура – мезофиль, термофиль яки икесе дә бергә язылырга тиеш, сөтнең сыек халәттән гелсыман халәткә күчүен тәэмин итә торган фермент-коагулянт, тоз булырга тиеш. Производство масштабларында кальций салу рөхсәт ителә», – ди Лилия Кашапова.
Аның сүзләренчә, сыр составына башка әйберләр керсә, бу – сыр продукты була.