Түбән Каманың бер мәктәбендә 9 сыйныф укучылары «Чыгарылыш вальсы»н бәйрәм алдыннан гына фаҗигале һәлак булган сыйныфташлары Камиллага багышлап биегән. Видео белән «Күңел радиосы» алып баручысы Ришат Зиннәтов бүлешә.
«Камилла, син дә бүген безнең белән булдың. 9А һәм 9Б сыйныфы укучылары «Чыгарылыш вальсы»н Камилла Сөнгатуллинага багышлап биеделәр.
Экраннарда Камилла күк төстәге кофтадан. Ул да әлеге вальсны бию өчен репетицияләргә йөрде, бәйрәм көнендә аны биергә хыялланды.
Тыныч йокла, Камилла», – дип яза ул.
Ришат комментарийларда аңлатуынча, Камилла 19 апрель көнне юл фаҗигасенә очрап һәлак булган.
«Соңгы кыңгырау» алдыннан гына Казахстанда авариягә очрады. Ул да вальс биергә әзерләгән иде, тик насыйп булмады», – дип яза ул, «Ни булды?» дип сораучыларга.