Җырчы Чулпан Йосыповага, үзенең сәхнәдәш дуслары белән, Казахстаннан бик озаклап кайтырга туры килгән. Бер самолеттан икенчесенә күчеп утырыр алдыннан, аларга шактый озак Шереметьево аэропортында тоткарланырга туры килгән.
Тагын 2-3 сәгатьтән өйдә булырга тиешбез, Аллаһы боерса, һаваны ачсалар. Эт булдым, шул кадәр авыр юл булды… – дип язды бу хакта үзенең сторисларында Чулпан.
Шулай булырга тиеш булгандыр. Бернәрсә дә болай гына булмый. Аның каравы, компаниябыз әйбәт булды, – дип тынычландырган ул үзен. – Казахстанның 3 шәһәрендә булдык. Астанада да йөреп кердек. Соңгы тапкыр 2019 елда булган идем. Бик матурланган. 3-4 көнгә барасы килә, – дип бүлешә артист.
