Чулпан Йосыпова үзенең бик таләпчән, сайланучан кеше булуы турындагы фикерләре белән бүлешкән.
«Студиягә җыенам, ике җыр яздырасым бар. «Нигә җырларыңны ешрак чыгармыйсың?» – диләр миңа…
Мин бик күп, даими рәвештә җыр чыгара торган җырчылардан түгел шул. Теләсә-кайсы җырны алып җырлый алмыйм, бик сайланам. Һәрбер җырны «яшим». Күңелемнән, йөрәк түремнән чыгарганнан соң гына тамашачыга тәкъдим итә алам.
Һәр кешенең күңел түрендә бүлешә алмаган кайгысы, мәхәббәте, сере була. Мине бик усал, кырыс диләр. Тормыш шундый булырга мәҗбүр итә. Шуңа да барлык хисләремне җырларыма салам», – дип язган артист үзенең сторисларында.
